由於中國掘起，互聯网及圖書館有大量的中國歷史資料。但這些資料對很多人來說是沉悶的。亦有很多學者 編纂了不少的文獻在學術圈子各有其詞。一般外國人仕很多時只是看新聞頭條知悉中國情況，如大紀元的＂中國又捉了一名貪官＂＂警察驅趕和平佔中人仕＂。或蘋果日報的＂中國大陸遊客當街痾屎痾尿＂。一個人聽了以為是驚人發現即時傳播開去，結果一個人痾尿變了十個人痾尿。中國國情及文化就如此被了解。

現在讓我用一寓言說中國近代史，讓不喜歡歷史只喜歡小說的普羅大眾看看。

好耐以前有個靚仔高大威猛手瓜起展（1795），又識搞生易仔，同對面海個高鼻佬做生意，挖左佢好多銀。挖到高鼻佬袋都空。高鼻佬話同佢做多幾瓣生意佢又話唔濟。於是高鼻佬想到條橋，係個阿差屋企整毒品 (1817)，再拿來氹靚仔食。靚仔食左两口，覺得好過癮話再要，高鼻佬話要銀。靚仔卒知上左癮，於是大好青年變到瘦蜢蜢， 比高鼻佬羅翻晒的銀不特以，仲羅突。後尾，靚仔覺得唔妥話唔想再食，高鼻佬見靚仔由條龍變左條虫。於是恰佢，綁住佢來打，要佢继續食，又話靚仔碰撞倒佢，要賠湯药，兼羅埋佢个仔(1842)。靚仔元氣大傷，連隔離屋個矮仔都恰佢，打佢一身，搶佢的野(1895)。街坊個個睇吾起佢，一出街就比人掹耳仔踢籮友(1901)。靓仔好激氣但自已身体又吾好，樣樣野都無能為力，結果抑鬱症撞牆死左。但好彩有个医生同佢做人工呼吸救翻生佢(1911)。因内傷外傷，左右手不拹調，本來右手拿筷子而家又手震，隔離屋个矮仔見靚仔手震震，重更加恰佢，想訓理佢張床(1937)，好彩矮仔撩事鬦非連街坊都搞埋。最後被街坊閹左(1945)，靚仔結果做了一輪物理治療换咗左手拿筷子(1949)。其實經果多年靚仔已變了麻甩佬，麻甩佬以為換咗左手搽筷子就有餐好食，慢慢企得起身，誰不知突然隔離屋有班贱入屋行劫，重殺到過黎(1950)，麻甩佬擰起拐丈同佢地驳命，打到班贼最後坐低唞氣，麻甩佬就得翻半条人命(1953)。麻甩佬衰咗禁多年周身傷痛，想度橋搵翻餐好食。街坊又吾帮佢，借乜野都話要雞蛋換，邊有禁多雞蛋。麻甩佬於是係後園種莱，夜晚痾多幾督夜尿，以為可早的收成(1958) 点知乜都醃死晒，結果餓個半死，差的命都無(1960)。休息了一輪，以為慢慢會復原。點知特然又比四隻毒蚊针左幾野(1966)，一病就病左十年(1976)。麻甩佬經多翻哀痛，康復两年，最後放低拐扙 ，挺起胸堂向前走(1978)。越跑越快，結果跌了一跤(1989)。最後麻甩佬再爬起來，仍然继續跑，但脚步小心了好多。经過多年斷練，麻甩佬變左大隻佬，最近係屋企擺雷台，高鼻佬同矮仔都無得輝(2008)。另一邊高鼻佬同街坊成日比牛仔老友拉左去做架倆，最近重整多鑊滐野(2014)，搞到成身傷要日日睇跌打。見倒麻甩佬好食好住禁疏乎，自已顧自已，自已整靚自已间屋又吾同人打交。無乜花费，掝埋大把銀，健身一輪重大隻過佢地。佢地想麻甩佬越坐越大容乜易做左老大，佢地無定企。於是的黑心衔坊度条橋,不如放蚊吱咬佢等佢又大病一場，但麻甩佬成间屋新装修蚊吱飛唔入。都係高鼻佬好野，佢話我記得我叫彭師傅替佢装收時我叫彭師傅係佢間屋開咗個窿，原來我想放毒氣，但而家放蚊吱仲好，自然野，死咗無人知。麻甩佬經多般磨練精過鬼，一聽見嗡嗡聲就知係毒蚊，由於以前比毒蚊咬到死死吓，所以随身袋有蚊怕水。一搽蚊就走晒，但的蚊会成日反來，最烦是个窿是彭師傅開的，彭師都呢埋騎騎笑搵吾到佢。高鼻佬安慰麻甩佬叫麻甩佬忍吓的蚊吱，話咬你痕咬你吾死(其實高鼻佬就想麻甩佬死,以報被玩謝之仇)。高鼻佬叫麻甩佬吾好担心話始终有一日会填翻個隆(2047)。

話說麻甩佬个仔比高鼻佬羅左(1842)，都係成日掛住。由比医生救翻生嗰日(1911)就開始掛。终於同高鼻佬講講點搞(1982)，高鼻佬扭屎怱花扭左两年，話個仔而家剩系識講英文吾識中文，用刀义吾識用筷子，話而家個仔好乖好聽話，比翻你教佢可能吾適應，變左又蠢又反斗。佢仲話你睇同你講下啫佢已经攬住我成身震話”爹吔爹吔我死都要跟實你”。麻甩佬揸住條頸講，我剩係想骨肉團聚，你以前比乜我個仔我就比乜佢，一切五 十年不變，個仔用刀义我用筷子都可以坐埋一台。其實所不同者，就係佢吾再叫你做爹吔叫翻我做老豆其餘一切照舊。终於倾惦左(1984)，但高鼻佬要跟通聖個好日(1997)先比翻个仔比麻甩佬，雖然吾信通聖但麻甩佬都同意。講惦數之後，大家同意高鼻佬继續教仔，麻甩佬只可得個睇。高鼻佬於是特然轉性，帶个飬仔出街試吓行馬路，个仔问爹吔馬路如虎口最好隱陣的唔好週圍走，你以前都未試過叫我锦做過。高鼻佬話，今时唔同往日，你大個仔啦，車你吾死既。個仔擺隻脚出馬路試試吓又缩翻轉頭，高鼻佬見到锦就搵到一个師博叫彭千古(1992)，彭師傅咪咪笑叫個仔咪理隻眼，跑快两步冲出馬路，重話睇吾倒就即係安全無事,車你吾死既,又教佢驳咀，而家你可以驳爹吔咀，第時你返翻老豆道都可以照駁。仔对彭師傅話以前禁多年爹吔都話啱就要聽，吾好無端端嘈吱巴闭，爹吔仲無乜比機會我講野添。佢成日講英文但我英文學極都唔流利，成日有佢講無我講。彭師傅話你正一儍仔，世界上邊一個會啱晒，邊個自已無衰野，就算我禁叻仔都有衰野。你最緊要學唱衰，人地就會怕咗你。最後个仔好快識得在馬路週圍走，重会在马路打関斗，週圍唱衰。麻甩佬見到眼火爆，無計，因為話左唔到佢管，只好自嘆一声＂矣，千古正一衰人！＂(1992)，只有繼續揸著条頸。卒知麻甩佬最後羅翻个仔(1997)，但變晒，个仔話自已喉嚨痛，一声老豆都吾叫 (2012)。過時過節又當老豆無到，揾個屎怱突住麻甩佬，揮手同对岸個高鼻佬舊時爹吔打招呼 (2014)。最近重話麻甩佬講錯野(個仔禁耐無叫過聲老豆，吾叫佢花名叫佢麻甩佬已經好比面)，要佢叩頭認錯，唔係就攬埋一齊死(2014)。麻甩佬睇到化，幸苦左禁多年，都吾知衰左幾多次，做左無數次物理治療，至有今日行得稳稳陣陣,吾使用拐杖，又吾使人扶,重行的快過人。而家比個反骨仔搞到頭都痛，日日督佢背脊。麻甩佬又想起個大仔，呢個大仔都曾經比高鼻佬同埋佢一班老友管教(1845)，曾經飬得佢肥肥白白，佢大大隻的時候反骨仔種Un了鬼命。可惜當麻甩佬右手轉左手的時候(1949)整伤左佢，吾行得乜濟，要坐輪椅，谢晒。不過重有翻条脊骨。麻甩佬後尾再扶起佢學行(1978)至而家佢又大隻翻。最近麻甩佬又教佢多一招工夫 (2013)。麻甩佬見反骨仔飬吾熟，相信會决定花精神教多的功夫比大仔。以後靠多的佢，最後靠晒佢都未定。至於反骨仔始终係自已個仔，將來有乜病痛，相信麻甩佬都会盡老豆责任好似以前一樣(2003)同佢吊鹽水，不過相信如果佢仲係禁反骨麻甩佬就再吾会花精神教佢乜野功夫咯。

성승자

2014